Sunday, April 4, 2010

പ്രവീണിന്റെ ചമ്മന്തി


( പോസ്റ്റ്‌ ജീവിതത്തില്‍ നിന്ന് ചീന്തി എടുത്ത ഒരേടാണ്. വക്കില്‍ ചമ്മന്തി പുരണ്ടിരിക്കുന്നു. ഇതിലെ നായകന്‍ ഒരു അക്ഷരവിരോധി ആയതു കൊണ്ട് ഇത് വായിക്കില്ല എന്ന് പ്രതീക്ഷിക്കുന്നു............)
ഇനി കഥാനായകനെ പരിചയപ്പെടാം. പാപ്പി എന്ന് അറിയപ്പെടുന്ന പാറശാല പ്രവീണ്‍, എന്റെ പ്രിയ സുഹൃത്ത്‌ ; സഹപ്രവര്‍ത്തകന്‍ , പേരിങ്ങനെ ആണെങ്കിലും ആള്‍ നിസ്സാരക്കാരനല്ല. സിസ്ടെം അഡമിനിസ്റ്റേടാര്‍, വെബ് ടെവെലെപ്പര്‍, വെബ് ഡിസ്സയിനാര്‍, ഫോട്ടൊഗ്രാഫെര്‍, പരോപകാരി എന്നീ തസ്തികകളില്‍ അദ്ദേഹം തന്റെ പ്രാഗത്ഭ്യം തെളിയിച്ചിട്ടുണ്ട്.
അങ്ങനെ ഇരിക്കെ പ്രവീണിന്റെ നാട്ടില്‍ ഉത്സവം വന്നു. ഉത്സവങ്ങള്‍ എന്നും ഹരമായിരുന്ന പ്രവീണിന് അത് ഒഴിവാക്കാന്‍ പറ്റുമോ? മൂന്നു ദിവസം ലീവെടുത്ത് പ്രവീണ്‍ നാട്ടിലേക്കു യാത്ര തിരിച്ചു. തിരിച്ചെത്തിയ പ്രവീണിന്റെ ഫോണ്‍ നിര്‍ത്താതെ ചിലച്ചു കൊണ്ടിരുന്നു. ഇടയ്ക്കിടെ വീണു കിട്ടുന്ന
സംഭാഷണശകലങ്ങളില്‍ നിന്ന് എന്തോ പന്തികേട്‌ ഞാന്‍ മണത്തു.
"അല്‍പ്പം എരിവു കൂടി എന്നല്ലേ ഉള്ളു......"
എന്നാ പ്രവീണിന്റെ ദയനീയ സ്വരം എന്റെ ശ്രദ്ധ പിടിച്ചു പറ്റി. വിഡ്ഢി ദിനമല്ലേ ആരോ പറ്റിക്കുകയാണെന്ന് ഞാന്‍ കരുതി.
"സത്യത്തില്‍ അവന്‍ ആശുപത്രിയില്‍ ആണോടാ ?"
എന്ന പ്രവീണിന്റെ അടുത്ത ചോദ്യത്തില്‍ നിന്ന് സംഗതി സീരിയെസ് ആണെന്ന് എനിക്ക് മനസിലായി. ഫോണ്‍ സംഭാഷണം അവസാനിച്ചപ്പോള്‍ കാര്യമെന്താണെന്നു ഞാന്‍ പ്രവീണിനോടു അന്വേക്ഷിച്ചു.
ഇനി ഒരല്‍പം ഫ്ലാഷ്ബാക്ക്.....
ഉത്സവം പ്രമാണിച്ച് നാട്ടിലേക്കു പോയ പ്രവീണ്‍ ഉത്സവപാച്ചകത്തിന്റെ ചുമതല ഏറ്റെടുക്കുന്നു. നാട്ടുകാര്‍ക്ക്‌ നല്കാന്‍ പ്രവീണ്‍ ഉള്‍പ്പടെയുള്ള യുവരക്തം ഇഡലിയും സാമ്പാറും ചമ്മന്തിയും ഉണ്ടാക്കി. പ്രവീണിന്റെ മാത്രം പ്രയത്നമായിരുന്നു ചമ്മന്തി. എങ്ങനെ സംഭവിച്ചതായാലും ആഹാരം കഴിച്ച ചിലര്‍ക്ക് വയറിനു അസുഖമുണ്ടായി. ഒരാള്‍ ആശുപത്രിയില്‍ അഡ്മിറ്റ്‌ ആകുകയും ചെയ്തു. അതിനു പിന്നില്‍ പ്രവര്‍ത്തിച്ചത് പ്രവീണിന്റെ ചമ്മന്തി ആണെന്ന് കഥ പ്രചരിച്ചു.
"അല്ലാ.......ആ ചമ്മന്തി ഉണ്ടാക്കിയത് എങ്ങനെയാ ? "
ഞാന്‍ ജിജ്ഞാസയോടെ അന്വേക്ഷിച്ചു. (വിരോധമുള്ള ആരെങ്കിലും വീട്ടില്‍ വന്നാല്‍ പരീക്ഷിക്കാമല്ലോ എന്നൊരു ദുരുദേശവും ആ ചോദ്യത്തിന് പിന്നിലുണ്ട്. )
ഇനി ചമ്മന്തി ഉണ്ടാക്കിയ വിധം കഥാനായകന്റെ വാക്കുകളിലൂടെ........
"അമ്പതു തേങ്ങ ചിരകി ഗ്രൈണ്ടാരില്‍ ഇട്ടു. അമ്പതു പച്ചമുളക് ചേര്‍ത്തു. കുറച്ചു കടലയും അതിനു മുകളിലിട്ടു. ഉപ്പും ചേര്‍ത്തു അരചെടുത്തു. അപ്പോള്‍ ആരോ പറഞ്ഞു, എരിവു പോരാന്ന്.....ഒട്ടും കുറച്ചില്ല ഒരു കവര്‍ മുളകുപൊടി പൊട്ടിച്ചു അതിലേക്കു വിതറി. പുളിയില്ലല്ലോ എന്ന് അപ്പോഴാണ് ആരോ ഓര്‍മിപ്പിച്ചത്.....പിന്നെ മടിച്ചില്ല പത്തു നാരങ്ങ പിഴിഞ്ഞ് അതിലേക്കു ഒഴിച്ചു."
ഞാനിത്രയെ ചെയ്തുള്ളൂ എന്ന് പ്രവീണ്‍ പറഞ്ഞു നിര്‍ത്തി. ഞാന്‍ ഓര്‍ത്തു , മദ്യ ദുരന്തം പോലെ ചമ്മന്തി ദുരന്തം ഉണ്ടായില്ലല്ലോ ദൈവം കാത്തു എന്നലാതെ എന്ത് പറയാന്‍....
(ഇത് വായിക്കുന്ന ആര്‍ക്ക് എങ്കിലും ഈ പോസ്റ്റിന്റെ കാര്യം കാര്യം പ്രവീണിനെ അറിയിച്ചേ പറ്റു എന്ന് ഉണ്ടെങ്കില്‍ ദയവായി ആദ്യം എന്നോട് പറയുക, ഒരു ഇന്‍ഷുറന്‍സ് പോളിസി എടുക്കാനാണ്.....)

3 comments:

rose said...

Nice...............entamme chirikkan vayye..Ivan inganoru sahasam kattunnu njan theere pratheekshichilla...Ithinano daivame ivan ulsavathnu poyath!!!!!

kunthampattani said...

ntammmmmmmmmmmo
athibhayankaram!
anjuuuuuuuuu
BRAVO!

Gijesh Chandran said...

avan nalloru Painter cum Clay model artist koodi anu. Pinne itharam kooduthal kathakal kelkkan nammude aa tempililnte aduth vann ivane patti chodichal mathi.......Thn ur blog will be No.1 in readers rating.....
Anyway good presentation. Keep it up...